امثال شعبية من بلادي ليبيااااااااااااااااااااااااااااااااااااااااااااااااااا

يزخر تراث ليبيا بالعديد من الامثلة و الحكم التي توارثناها عن ابائنا واجدادنا جيلا بعد جيل. فالليبي لحقيقي مهما تحضر وتطور تجده يستخدم هذه الامثال لانها تعبر عن ما في داخله من حب لتراث هذا البلد , تحضرنا هذه الامثال عند الفرح وعند الحزن ,عند النجاح وعند الفشل . بعض هذه الامثال مقفى (له وزن وقافية) مثل :
*صامت قليل الملح ما يتعدى برك احدانا ناقته وتغدى .
*فيه من كلامه مستكه وقرنفل ، وفيه من كلامه حار زي الفلفل .
*يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
*لو تندري يا نفس شن يطرالك ... تنوحي على روحك العمر بطوله .
البعض الخر غير مقفى مثل :
*ما يحبّها شبح .... جابوهلّه عروس
*الفار الزرباز من سعد القطوس .
* اللي واخذ على طعامك ، وين يشبحك يجوع .
*اللي تنكسر ماعد تجبر.
هذه مجموعة متنوعة من الامثال و الحكم الليبية اتمنى ان تنال اعجابكم ورضاكم.
* لو كان تـبـي روحـك مـن خـيار النـاس ... دير لـمـشـيـتـك قـياس .
* إنْــوي النـيـة الصـحـيـحة ولا يـذهـبـنّــك مـسارب ، وتـبّـع الـطـريـق
* ياعين كوني للدرك صبّارة .. مهناك من دفنوه قبل نهاره .
* كان عضني كلب ، ماعنديش ناب نعضه ... وكان سبّني سفيه ، ماليّاش أصل نسبّه .
* شاهي بلا جدّاي غير خسارة .. إنكسر براريده ونطفي ناره .
* قاللـه : أعطيني مهبول ناكل رزقه .. قاللـه : أعطيني عاقل نُخلص معاه .
* لا غايبة لا تكهب .. لا عاد عيني تراها .. ماحَرّ نار الْمّيمة .. تهون الدنيا بلاها .
* بنادم إلْيَا ضاق صدره .. والوجاع ما طاق داها ، الأيام تمرض وتبرا .. والصبر راهو دواها .
* سيدي المرابط وَعْدتك نعطيها .. وعفسة أوخَيّ في الوطا نجيها
سيدي المرابط وَعْدتك بلحمها .. وعفسة أوخَيّ في الوطا سلّمها
* العقل يا بعاد الدار .. يمسّي معاي ، ويبات عندكم .
* غايضه واسمع ما في قلبه .
* لو كان النوم يسمّن راهو سمّن القطاطيس . ، تـنـجـيـك ولو كنـت هارب .
* اللـي غـرس وما جـنّـس الـزريـعـة ، ينـدم على غـرسـه نهـار يـبـيـعه .
* البنادم إلْــيَـا صـابـه ذهـاب الشـيـرة ، إديـر عـمـلـتـه ويقـول فـيها خــيـرة .
* الكذاب .. أصبر شوية وانشده .
حط الفلوس في فم المدفع يسكت .
---------------------- سلامتكم -----------------------------------

الله الله علي تراث بلادي

شكرا علي هذه الامثال و تذكيرنا بالتراث

الله علي هالامثال. فعلا لها تاتير علي حياتنا الاجتماعية. شكرا

الان أصبحت الامثال بالانجليزي

بسم الله الرحمن الرحيم
اشكرك علي التنبيه للاهتمام بالتراث ويسعدني ان اضيف اليك هذه المقولات من التراث الليبي المتداول :-
1- أنعاب صاحبك لا تعابيه راه صاحب العيب نادم يزل القلم فيد قاريه يابال عقل البنادم .
2- الصبر خير واشوي ذنب واكثر جميل واولا من البكاء
3- العين بصيره واليد قصيره
4- علي قد فراشك مد رجليك
5- اللي يحط يديه في المجاحر يلسعنه العقارب
6- وما يحك جلدك الا ظفرك
7- واللي ما ياكل بيده ما يشبع
8- لاقني ولا تغديني
9- واللي يضحكك يضحك عليك واللي يبيك ينصح فيك
10- الرفيق قبل الطريق - واللي ترقد معاه ليله تعرف نومه .
تحياتي واقبلي هذه المشاركه

شكرا اخي محمد على هذه الاضافة الرائعة

لا شكر علي واجب وابعث اليك السلام بالتراث الشعبي :-
سلامي عليكم سلامين راه سلام حب مبعوث جاكم علي عد موتي او حيين هنا احذاي واللي احذاكم
تحياتي

هل هناك دواوين خاصة بالشعر الشعبي؟

هناك عدة انواع من الشعر الليبي الشعبي ولاكن لم يصدف ان قرات دوانا لها